Hautatu hizkuntza
BBK Mendi Film Bilbao Bizkaia zinemaldiaren 17. edizioak 9.800 lagun bildu ditu, %34ko hazkundearekin
- Xehetasunak
Bilbo, 2024ko abenduak 18. BBK Mendi Film Bilbao Bizkaiaren 17. edizioa abenduaren 6tik 15era egin da, eta 9.837 ikusle bildu ditu, iazko ikusle-kopuruarekiko %34ko hazkundea, alegia.
Gainera, eskainitako zine saioetako edukieraren %81 bete du (%77koa programako ekitaldi guztiak barneratuta). Okupazio portzentaje hori marka berria da, orain arteko edizio guztietatik onena, 2022ko %74koa gaindituz, eta iazko beherakada (%60) irauliz.
Euskalduna Bilbaon eta BBK Aretoan, guztira 23 zine saio eskaini dira aurten, eta haietako 10etan aretoa bete egin da, sarrerak agortuz.
‘Songs of Earth’-ek irabazi du Mendi Filmeko Sari Nagusia, “argazkilaritza bikaina, kontaketa poetikoa, eta soinu banda sublimea” duen filma norvegiarra
- Xehetasunak
Bilbo, 2024ko abenduak 14. BBK Mendi Film Bilbao Bizkaia jaialdiko Epaimahaia eta ikusleak txundituta utzi dituen ‘Songs of Earth’ filma norvegiarrak irabazi du 17. edizioko Sari Nagusia. Margreth Olin zuzendariaren lana da, haren gurasoengan eta haiengandik jasotako Naturarekiko maitasunean oinarritzen den filma. “Argazkilaritza bikaina, kontaketa poetikoa, eta soinu banda sublimea” dituela azpimarratu du Epaimahaiak aho batez, “Erritmoa pausatu eta entzuteko prest jartzen garenean, jabetzen gara emana zaigun horretaz: Natura deika daukagu”, azpimarratu dute beren epaian.
Artikulu gehiago …
Page 2 of 145
