Hautatu hizkuntza
Crystale Merril ia bi hamarkadaz aritu da hainbat jaialditako ekoizpenetan, Los Angeles, Palm Springs eta Telluride kasu. 2013az geroztik, Mountainfilm jaialdiko (Telluride) kide da. Zinema dokumentala eta arte sortzaileak maite ditu. Hainbat film eta argazki proiektutan kolaboratu du eta ilustrazio digitalean eta argazkilaritzan lizentziatua da, eta oraindik ere 120an filmatzea nahiago du. Colorado Western Slope-eko mendiko bizikleta komunitateko kide aktiboa da, tokiko bideen aldeko lana egiten du, eta bide horien zaintzan emakumeen partehartzea areagotu nahi du.
Venezian Atzerriko Hizkuntzak eta Literaturak ikasi ondoren, Madrilera joan zen bizitzera, eta han CANAL + kateko dokumentalen sailean hasi zen lanean, ikus-entzunezkoen munduan lehen urratsak emanez, eta zinemagile independenteekin ere lankidetzan arituz. 2012an, bere lehen dokumentala zuzendu zuen, ‘Endometriosis, la punta del iceberg’, Documentos TV saiorako. 2013an, Ángel Esteban bikotekidearekin batera zuzendutako ‘One minute for Conductors’ estreinatu zuen IDFAn. Harrezkero, ondoko beste lan hauek zuzendu ditu: ‘Tom’ (2015), ‘Auspicio’ (2019), ‘Malditos’ (2020) eta ‘My Upside Down World’ (2021). Gaur egun, Erika Giovanna Klien artista vienarrari buruzko film bat lantzen ari da.
Michael Brownentzat, abentura lanbidea eta pasio bat da aldi berean, eta horrek munduko ingurune muturrekoen eta arriskutsuenetara eraman izan du istorio liluragarrien bila. Everesteko gailurrera bost aldiz igo da, beti kamerekin grabatzen. Boulderren bizi da, Coloradon, AEBetan, eta zazpi kontinenteetan filmatu izan du, dela Nepalen doako kirurgiak dokumentatuz, dela Italian desgaitasuna duten atletekin, edo Tibeteko haur itsuekin. Bere filmek beti izaten dituzte giza istorio hunkigarriak, hobekuntza pertsonalean oinarritutakoak. Hainbat sari irabazi ditu, tartean hiru Emmy sari nazional eta Mountain Film Alliance Sari Nagusia 2007an.
Aleksandar Zarapchiev mendi-kulturaren defendatzaile sutsua da Mazedonian. Eho Mountain Film Festiivalleko sortzailea eta zuzendaria da, eta IAMF-Mendi Zinemaren Aldeko Elkargoko kide ere bada. Mendizale gisa 20 urteko esperientzia du, eta Mazedoniako mendi federazioko presidentea da, eta mendiko segurtasuna eta hezkuntza sustatzen ditu. Profesionalki, Makedonski Telekom-eko Mageta TV-n lan egiten du, egile-eskubideetan eta edukien eskubideetan espezializatuta. Bere lanak komunikabideak, hezkuntza eta natura lotzen ditu, zinemak mendiko istorioak partekatzeko duen boterea azpimarratuz.
Bilboko Koral Elkarteko gerentea eta Arabako Antzinako Musikaren Asteko zuzendari artistikoa da. Fernando Velázquez konpositorearekin batera, zinemarako soinu banden grabazioen ekoizpen eta kudeaketan lan egin du, Netflix, HBO, Sony eta Warner bezalako ekoiztetxeekin elkarlanean. Halaber, Donostiako Musika Hamabostaldian, Euskadiko Orkestran, Musika Zabalpeneko Zentro Nazionalean (CNDM) eta Madrilgo Auditorio Nazionalean jardun du lanean. Zeharkako Flauta lizentziaduna da (Musikene), eta Kultura Kudeaketako (Arte Eszenikoak eta Musika) Masterra du (ICCMU eta SGAE). Interpretazioan (Liceu) eta Erakunde Kulturalen Komunikazioan (ICCMU) graduondokoak ditu, eta interpretazioan trebatua da Holandan eta Ingalaterran. Ikuspegi artistikoa eta esperientzia teknikoa uztartzen ditu, ikus-entzunezkoen eta musikaren mundurako begirada diziplinarteko eta integrala eskainiz.
