2023, EEBB, Kanada, 18min
Zuzendaria: Darcy Hennessey
ESTATU MAILAKO ESTREINALDIA
Jamie Logan 70eko hamarkadako mendizale puntakoenetako bat izan zen, lehen igoera ugari egin zituen Ipar Amerikako hainbat bide gogorretan. Baina bazuen mendiko erronkek eta arriskuek baino izu-ikara handiagoa sortzen zion sekretu bat, 60 urte luzez isilik mantendu zuena: Jamie Logan alpinista eta arkitekto arrakastatsu, gogor eta kementsuak, emakume izan nahi zuen. 69 urterekin hasi zuen eraldaketa, eta orain, 76 urterekin, mezu hau helarazi nahi die bera bezalako beste trans pertsonei: bizitza ederra izan daitekeela, norbere buruarekin errespetuz jokatuz, zintzo izanez eta munduarekin konektatuago egonda.
