BERRIA: Sortu Mendi 2024ko zure bonua

JAMIE

2023, EEBB, Kanada, 18min

Zuzendaria: Darcy Hennessey

ESTATU MAILAKO ESTREINALDIA

Jamie Logan 70eko hamarkadako mendizale puntakoenetako bat izan zen, lehen igoera ugari egin zituen Ipar Amerikako hainbat bide gogorretan. Baina bazuen mendiko erronkek eta arriskuek baino izu-ikara handiagoa sortzen zion sekretu bat, 60 urte luzez isilik mantendu zuena: Jamie Logan alpinista eta arkitekto arrakastatsu, gogor eta kementsuak, emakume izan nahi zuen. 69 urterekin hasi zuen eraldaketa, eta orain, 76 urterekin, mezu hau helarazi nahi die bera bezalako beste trans pertsonei: bizitza ederra izan daitekeela, norbere buruarekin errespetuz jokatuz, zintzo izanez eta munduarekin konektatuago egonda.

L'ETÀ SPERIMENTALE

2024, Italia, 27min

Zuzendaria: Marco Zingaretti

ESTATU MAILAKO ESTREINALDIA

Adinekoen kopurua handitzen eta aurreratzen ari da aurrekaririk gabe. Gaur egun oso aktibo daude, haien aurrekoak baino gehiago. Behin erretiratuta ere, lan sozial handia egiten dute. Erri De Luca idazle, kazetari eta poeta italiarrak, esaterako, eskalatu egiten du bere burua zaintzeko, eta nola egiten duen azaltzen du. «Inor ez da zaharra izan nire aurretik», dio, gidatuko duen aurreko beste eredurik ez duela konturatuta.

INTO THE (UN)KNOWN

2023, Espainia, 42min

Zuzendaria: Nick Danielsen

Kilian Jorneten Pirinioetako barne-bidaia, muturreko erronka bati aurre eginez: 3.000 metrotik gorako gailur nagusi guztiak kateatzea, 8 egunetan. Hain kuttunak dituen Pirinioetara itzuliko da, erronka fisiko zein psikiko horren bidez bere burua neurtzeko. Bidean, glaziarren atzerakadaz jabetuko da, egunsenti eta ilunabar gogoangarriak bizituko ditu, eta bere haurtzaroko mendietan murgilduko da berriro.