2026ko abenduaren 4tik 13ra ospatuko den BBK Mendi Film Bilbao Bizkaiaren 19. edizioak badu irudi nagusia: Quantum Cave Chronicles 1 izeneko argazkia da, Lei Bao argazkilariak Txinako Guangxi eskualdeko tiankeng baten barruan ateratako irudia.
Donostiako Club Vasco de Camping Elkarteak antolatutako CVCEPHOTO mendi jarduerei buruzko argazki lehiaketan saritua izan da, BBK Mendi Film Bilbao Bizkaia Kartela Sariaren atalean. 800 euroko diru-saria irabazi du eta aurtengo Mendi Film zinemaldiaren irudia izango da.
Honela aurkezten du Lei Bao argazkilariak bere obra:
“Eguzkiaren argiak tiankeng-aren kupula zeharkatzen du, urrezko Tyndall habe batzuk zizelkatuz paisaia karstikoaren sakonera ilunetan. Hautsak argiaren ardatzen barruan flotatzen du, ehunka milioi urtetan eratutako lur azpiko erreinu horren gainean distira sakratua isuriz.
Goroldioz estalitako harkaitzezko erlaitzaren gainean, naturaren handitasunak apalduta eta argiaren eta itzalaren elkar-jotzeak besarkatuta sentitzen da bat —gizateriaren eta mundu nagusi honen arteko elkarrizketa isila—. Tiankengetik kanpo, baso subtropikal oparoek egiten dute aurrera zeru irekiaren azpian; barrualdean, itsaslabar isilek eta sakabanatutako boulderrek eusten diote geologia karstikoaren eskulangintzarik bikainenari.
Nongxiang Tiankengek, Hechiko (Guangxi) mendietan ezkutatuta dagoen "Lurraren argizagia" bezala ezaguna, naturaren interpretazio handi baina samur bat taularatzen du bere argi eta itzal dramatikoenaren bidez. Lurraren bihotzean sartzen den eguzki-argi izpi bakoitza naturari idatzitako maitasun gutun erromantiko bat da.”
CVCEPHOTO-BBK Mendi Film Bilbao Bizkaia kartela sariaren palmaresa:
2026 “Quantum Cave Chronicles 1” Lei Bao
2025 “The Cave” Julia Roger-Veyer
2024 “Fuego” Jean-Baptiste Liautard
2023 “X-Man” Yhabril
2022 “Ski is life” Sandi Bertoncelj
2021 “The edge of guillotine” Jan Zahula
2020 “Into the Light” Sandi Bertoncelj
2019 “Top of Africa” Christian Pondella
2018 “Learning to fly” Rainer Eder
2017 “The Lighthouse” Christoph Jorda
