2023, Espainia, 20min
Zuzendaria: Ana Zamorano
NAZIOARTEKO ESTREINALDIA
Begoña eta Ridouane gaixotasun arraro batek lotzen ditu: erretinosi pigmentarioak. Ondarrutarra da Begoña; berberea Ridouane. Biek, gainditu beharreko bideak eta doluak partekatzen dituzte, ikusmen urria dutelako. Kolektibo baztertuetako pertsonei eta ezindu fisiko eta psikikoei mendira joateko laguntza ematen dien Ibilki elkarteari esker, Gorbeia eta Toubkal (Marokon) gailurretara iristea lortuko dute. Helburua ez da gailurrera iristea, norbere buru-oztopoak gainditu ditzaketela erakustea baizik.
