Orri honek cookiak erabiltzen ditu zure hizkuntza konfigurazioa gordetzeko besteak beste. 

NOTICIAS

Mendi Tourra aretoak betetzen ari da eta Mendi Tour On Line menuak pelikula berriak ditu

BBK Mendi Film Bilbao-Bizkaia jaialdiko mendiko film onenak erakusten dituen Mendi Tour zikloak 1.600 ikusle erakarri ditu Iruñeko Golem Baiona zinema-aretoetara otsailaren 8tik 11era. Zortzi saio eskaini ditu lau egunetan, eta 12 areto bete dira sarrera guztiak agortuz.

Gehiago irakurri...

Mendi Tour Vitoria-Gasteiz Vital Fundazioa 2021

Mendi Filmeko Presidentea Eduardo Martinez eta Fundación Vital Fundazioako Zuzendaria Arantxa Ibañez de Opacua prentsa agerraldian

SARRERAK

Mendi Film nazioarteko jaialdiko pelikula onenen zirkuitu ibiltaria Gasteizko Vital Fundazio Kulturuneara itzuliko da otsailaren 15, 17, 18 eta 19an. Mendi Tourrak ibilbide oparoa du Arabako hiriburuan, aurten 9. edizioa ospatuko du, eta saioetara bertaratzen direnek mendiko zinemarik onenarekin eta berrienarekin gozatuko dute berriz ere.

Mendi Tour 2021 zirkuituko lehen hitzorduetako bat da Gasteizkoa. Donostia, Iruña eta Zangozako aurreko saio arrakastatsuetan edukierak bete egin dira, mendiko zinemagintzak tiradizo handia duela eta inspirazio iturri dela erakutsiz, areago pandemia garaiotan.

Gehiago irakurri...

Hurrengo geltokiak: Iruña eta Leioa

Iruña eta Leioako Mendi Tourrak egingo dira aste honetan. Astelehenetik ostegunera, lau egunez bakoitzeko bina saio eskainiz, Iruñeako Golem Baiona zinemetako hitzorduak Zangozaren lekukoa hartuko du Nafarroan. Leioan, berriz, edizio berezia izango da aurtengoa, 10.ez helduko baita bertara, mendiko pelikula onenen eskaintza, Kultur Leioa Auditoriumera.

Gehiago irakurri...

A History of Passion 2000-2020: Mendiko Zinemaren aldeko Nazioarteko Elkargoaren historia

 

Mendiko Zinemaren aldeko Nazioarteko Elkargoak - International Alliance for Mountain Film 20 urte bete berri ditu eta haren ibilbidea errepasatzen duen liburu bat argitaratu du, Turingo (Italia) Mendiko Museoko Enblemen Aretoan sortu zenetik gaurdainoko historioak biltzen dituena. Mendi Film 2011ean batu zen elkargora, 10 urte daramatzagu, beraz, munduko mendi zinemaldirik ospetsuenekin batera bidea egiten. Horrez gain, Jabier Barayazarra gure Zuzendaria IAMF-ko Presidentea da 2018tik.

Gehiago irakurri...

Mendi Tour otsailean: Zangoza, Iruña, Leioa, Gasteiz, Santutxu (Bilbo) eta Eskoriatza

Mendi Tour 2021 ibilbideak otsailean euskal hiriburuetara joko du, Iruña, Gasteiz eta Bilbon emanaldiak eskainiz, eta hitzordu klasikoei ere eutsiko die, Leioan eta Eskoriatzan.

Gehiago irakurri...

Donostian eta Zangozan abiatuko da 2021eko Mendi Tour zine zirkuitua

2020ko Mendi Tour zirkuitua, Mendi Filmeko pelikula onenen sorta, Donostiako Antzoki Zaharrean abiatuko da bi eguneko programazioarekin, urtarrilaren 26an eta 27an, asteartea eta asteazkena, Donostia Kultura eta Club Vasco de Camping Elkartea-CVCE-ren eskutik.

Lekukoa Zangozak hartuko du, urtarrilaren 29an eta otsailaren 5ean, Karmengo Entzutegian. Mendi Jardunaldiak antolatu ditu beste behin Zangozako Udalaren Kirol Patronatuak, eta haien baitan eskainiko dira aipatu proiekzioak Karmengo Entzutegian.

Gehiago irakurri...

Zinegile gazteei zuzendutako beka Mendiko Kulturaren zinemagintza sustatzeko Bizkaiko Aldundia, Ternua eta Mendi Fimen eskutik

Imanol Muñoz , Ternua Group-eko Marketing Managerra, Lorea Bilbao Ibarra Euskara, Kultura eta Kirol foru diputatua, eta Jabier Baraiazarra Mendi Fim Elkarteko Zuzendaria

Bizkaiko Foru Aldundiak, Ternuak eta Mendi Filmek Mendiko Kulturaren inguruko zinemagintza sustatzeko xedez bide berri bat sortu dute: Mendi Film Bizkaia Ternua Beka 2021. EAEn lan egin edo bertan ikasi izan duten zinegile gazteei zuzenduta dagoen beka da, 18 eta 35 urte bitarteko egile berriak.

Gehiago irakurri...

Eskerrik asko hau posible egin duzuen guztioi!

2021 Urte Mendi On!

Everesteko Arrosarioa, euskal eta poloniar himalaismoaren senidetzearen ikurra

Joan Pablo II.a Aita Santuak bedeinkatutako arrosarioa, Krzysztof Wielicki eta Leszek Cichyk Everesteko tontorrean utzi zutena 1980ko lehen neguko gailur historikoan, eta Martin Zabaletak urte hartako maiatzaren 14an euskaldunen Everesteko lehen gailurraren testigantza gisa jaso zuena, gaur egun euskal eta poloniar himalayismoaren senidetasun ikonoa da. EMMOA-Euskal Mendizaletasunaren Museoak gordeta duen ikono bat da, eta BBK Mendi Film Bilbao-Bizkaia mendi zinemaldian erakutsi zion Iwona Zielińska-Sąsiadari, Madrilen IPC-Poloniar Kultura Institutuko koordinatzaileari.

13. edizioko Sari Banaketa ekitaldia Euskalduna Jauregian

BBK Mendi Film Bilbao-Bizkaiak pandemia edizioa arrakastaz burutu du zine eta mendi zaleen babesarekin

Eduardo Martinez eta Jabier Baraiazarra, BBK Mendi Film Bilbao-Bizkaia mendi zinemaldiko Presidentea eta Zuzendaria atzo Euskalduna Jauregian 13. edizioko itxiera ekitaldian

Bilbo, 2020ko abenduak 14. BBK Mendi Film Bilbao-Bizkaia nazioarteko mendi zinemaldiak arrakastaz burutu du 13. edizioa. Pandemiaren ajeak uxatu eta 10 egunetan 5.578 ikuslek jo dute Bilboko Euskaldunan, Sala BBK-n eta Golem zinemetan eskainitako saioetara.

Gehiago irakurri...

Hillaryren azken espedizio handiaren pelikulak irabazi du BBK Mendi Film Bilbao-Bizkaia 13. edizioko Sari Nagusia

"Hillary - Ocean to Sky" filmak irabazi du BBK Mendi Film Bilbao-Bizkaia mendi zinemaldiko Sari Nagusia. Sir Edmund Hillaryren azken espedizio handia izan zena dakar gogora Michael Dillon zuzendari australiarraren lanak, 1977an Ganges ibai sakratuan gora motordun txalupetan eginiko espedizioa, Himalaiako Akash Parbat mendi tontorrean burutu zena.

Gehiago irakurri...

Mendi Film zinema eta mendiaren bilgune Bilbon eta sareen bidez mundu osoan

BBK Mendi Film Bilbao-Bizkaia mendi zinemaldia ikusleen bultzadarekin energia beterik abiatu da. Sarrerak agortu egin dira hiru egunez, bai Euskalduna Jauregian eta baita Sala BBK-n eskaini diren emanaldi eta ekitaldietan, eta Azkuna Zentroko Golem zinemetan ere aparta izan da Mendi zaleen emana. 2000 ikusle Bilbon, aurrez aurre, eta pandemiaren mugak muga, neurriak neurri, ostiraletik igandera egindako saioetan. 

Gehiago irakurri...

Baltistan Fundazioak esker onez jaso du 20 urteko langintzaren WOP Saria

 

Baltistan Fundazioak jaso du 2020ko WOP-The Walk On Project Saria BBK Mendi Film Bilbao-Bizkaia mendiko jaialdian. Nazioarteko kooperazioan 20 urteko jarduna saritu da, bereziki Karakorumen oinarritu izan duten lana. Pedro Ibarra presidenteak eta Alberto Iñurrategi Fundazioaren sortzaile eta enbaxadoreak ordezkatu dute Euskaldunan milaka lagunen langintza, eta fundazioaren lelo nagusia: "Mendizaletasunean elkartasuna bide".

Hasiera Ekitaldiko indarrak abiarazi du pandemia garaiko BBK Mendi Film Bilbao-Bizkaia

Sponsors

Erakundeak / Instituciones / Institutions

Gailurra

Everest
 

K2
 

Aconcagua
                     

Ama Dablam

Cervino

Media Partners
 

© 2021 Mendi Film. Cookies - Legal - Privacy