Orri honek cookiak erabiltzen ditu zure hizkuntza konfigurazioa gordetzeko besteak beste. 

ARAUDIA MENDI SHORT 2018

BILBAO MENDI FILM FESTIVALEKO FILM LABUR AMATEURREN BOSGARREN LEHIAKETA


BALDINTZA OROKORRAK

  1. Nazioarte mailako lehiaketa hau bideo-sortzaile amateurrei zuzentzen zaie.
  2. Mendiarekin lotutako gaiak jorratzen dituzten filmek parte hartu ahal izango dute: alpinismoa, eskalada, mendiko kirolak, abentura, eskia, muturreko kirolak, ekologia, ingurumena, etnografia…
  3. Aurkeztutako laburmetraiek 5 minutuko iraupena izango dute gehienez.
  4. 2018ko urtarrilaren 1etik aurrera egindako lanek baino ezin izango dute parte hartu.
  5. Parte-hartzaile bakoitzak film bakarra aurkeztu ahal izango du, dagokion izen-emate orria www.mendifilmfestival.com webean beteta.
  6. Lanak aurkezteko epea 2018ko azaroaren 11ean bukatuko da.
  7. Saritutako obrak festibaleko bigarren asteburuan proiektatuko dira Bilbao Mendi Film Festivalaren (BMFF) barruan.
  8. Parte-hartzaileak aurkeztu duen lanaren jabego intelektualaren eskubideak bereak direla ziurtatuko du. Aldi berean, Mendi Film Festival Elkarteak lan hori BMFFk bere online kateetan, hurrengo Mendi Tourretan eta hedapen materialetan  erakusteko inolako eragozpenik ez duela bermatuko du egileak (ez legezko, ez kontratuzko eta ez bestelako eragozpenik).
  9. Lehiaketaren hautaketarako jasotzen diren lanen kopiak Mendi Zinemaldiaren artxibo historikoaren parte izatera pasatuko dira. Kopia horiek barne-kontsultak egiteko eta Mendi Zinemaldiaren promoziorako soilik erabili ahal izango dira. Beste edozein erabilera publikotarako BMFFa harremanetan jarriko da egilearekin edo eskubideen jabearekin.
  10. Era berean, egileak aurkeztutako lanean agertzen diren osagai eta elementuen (musika, irudiak, grafismoa, etab.) eskubideen jabe diren pertsonen edo erakundeen baimenak badituela ere ziurtatuko du.
  11. Egile-eskubide alorrean hirugarren batzuek egin ditzaketen erreklamazioen aurrean Mendi Film Festivalaren antolakuntzak kalterik ez izateko konpromisoa hartuko du izena ematen duenak.

 

IZEN-EMATEA

  1. Izen-ematea zuzendariek edo haien legezko ordezkariek egingo dute.
  2. Izen-ematean, izena emateko www.mendifilmfestival.com web orrian horretarako espreski sortu den formularioa bete egin beharko da.
  3. Lanak mp4 formatuan, eta wetransfer-eko enlaze baten bitartez, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera bidali behar dira, “gaian” MENDI SHORT_Lanaren izena_Egilearen izena zehaztuta, behin izen emateko web orrialdeko formularioa bete ondoren.
  4. Euskaraz edo gazteleraz egin ez diren lanek, jatorrizko bertsioaren hizkuntza edozein dela ere, ingelesezko azpitituluen zerrendarekin aurkeztu behar dira nahitaez, baita azpidatziak egiteko denbora-kodeekin ere.

 

HAUTATUTAKO FILMEEN PROIEKZIORAKO KOPIAK

Proiekzio publikorako filmeen kopiak ondorengo ezaugarriak betetzen dituzten artxibo digitalean aurkeztu beharko dira, HDn grabatuta baldin badaude:

Video codec: H264

Kapsulatuta: .mp4 edo .mov

Video Bit rate: 20Mbps

Frame size: 1920 x 1080

Audio MPEG-4 stereo, 48kHz, 128 kbps

PAL-SDn grabatuta baldin badaude, lanak .mp4 formatuan entregatu beharko dira, ahalik eta kalitate gehiena mantenduz.

 

SARIAK

Ikus-.entzunezko sektorean ospetsuak diren profesionalek osatuko dute epaimahaia.

Epaimahaiak Bilbao Mendi Film Zinemaldiaren zuzendaritzak onartutako barne-arautegia ezarriko du. Epaimahaiaren erabakia ezin izango da atzera bota.

Saria honakoa izango da: MENDI SHORT 2018ko Laburmetrai Onenari Saria.

Saritutako laburmetraia festibaleko BMFFko bigarren asteburuan proiektatuko da, Sala BBK-n.

Parte-hartzaileek, sarituak izanez gero, beraien lanak Bilbao Mendi Film Festivalarekin elkarlanean diharduten beste jaialdi edo mostra batzuetan proiektatuak izan daitezkeela jakin eta onartuko dute, beti ere irabazi asmorik gabe eta aurrez horren berri emanda.

Araudi honetan aipatu gabe utzitako edozein gai 11. Bilbao Mendi Film Festival jaialdiaren antolakuntzak konponduko du, ikus-entzunezko jaialdien eskubide, erabilera eta ohiturekin loturiko printzipio orokorrak errespetatuz.

Zuzendari, ekoizle edo legezko ordezkariek izen-emate orrian sinatu izanak araudi honen baldintzak onartzea dakar berarekin.

Araudi honen interpretazioa eta gauzatzea Bilbao Mendi Film Festivalaren antolakuntzari soilik dagokio.  

Sponsors

Instituciones/Instituzioak/Institutions

Everest

K2
 

Aconcagua
           

Ama Dablam

Cervino

Media Partners
 

© 2018 Bilbao Mendi Film Festival. Web by McArra. About Cookies